Saturday, February 14, 2009
மஞ்சள் சட்டை
காதல் கவிகள்
நிம்மதியில்லை
என்றதும்
கோவிலுக்குப்
போகச்சொன்னான் நண்பன்!
போனேன்
முதன்முதலில்
அவளைப் பார்த்த
பேருந்து நிறுத்தத்திற்கு!
***
உள்ளாடையைத்
தேர்ந்தெடுக்கக்கூட
இவ்வளவு நேரமா?
நீயெல்லாம்
பெண் பார்க்கப்போனால்...
எத்தனை பெண்தான் பார்ப்பாயோ..
என்பார்கள் நண்பர்கள்!
அவர்களுக்கென்ன தெரியும்
பார்த்த முதல் வினாடியே
உன்னைத்
தேர்வு செய்துவிட்டேன்
என்பது!
***
தெருவே
முகம் சுழித்து
மூக்கைப்
பொத்துகிற வேளையிலும்
நான் மட்டும்
அருகினில் சென்று
ரசித்துப் படிக்கிறேன்
உன் பெயரை
குப்பை லாரியில்!
***
Monday, June 2, 2008
அவளொரு நெய்தல்!
Wednesday, April 16, 2008
காதல் என்பது யாதெனில்...
எனக்கு பிடித்தவைகளே
உனக்கு பிடிக்கவேண்டும்
என்பதல்ல காதல் . . .
உனக்கு பிடிக்காதவைகள்
எனக்கு பிடித்திருந்தும்
என்னை பிடிக்கும் என்பாயே
அதுவே காதல் !
உன்னை பற்றி நானும்
என்னை பற்றி நீயும்
தெரிந்து கொள்வதல்ல
காதல் . . .
நம்மைப் பற்றி நமக்கே
தெரியாதவைகளை
தெரியவைப்பதே காதல் !
எல்லைகளை மீறுவதல்ல
காதல் . . .
நமக்குள் எல்லையே இல்லாமல்
இருப்பதே காதல் !
கற்பு நெறிக்கு உட்பட்டதல்ல
காதல் . . .
கற்புக்கு நெறிமுறைகளை
வகுத்ததே காதல் !
நட்பை விட உயர்ந்ததா தாழ்ந்ததா
என்பதல்ல காதல் . . .
நட்பை தன்னை விட உயர்ந்த
இடத்தில் வைத்து பெருமைப்படுத்துவதே
காதல் !
மொழிகளால் உணர்ந்து
கொள்ளக்கூடியதல்ல காதல் . . .
உணர்வுகளின் மொழியே
காதல் !
Tuesday, April 15, 2008
Thursday, April 10, 2008
இதயம்
இறைவன் கேட்டான் என்னிடம்
ஒரு நாளில் எத்தனை முறை
உன்னவள் நினைவு வரும் என்று!
நான் சொன்னேன்
நிமிடத்திற்கு
எழுபத்தியிரண்டு முறை என்று!
அது என்ன கணக்கு? என்றான்
அதற்கு நான்,
எனக்கு என்ன தெரியும்
நீதானே படைத்தாய்
மனிதனுக்கு
இதயம் நிமிடத்திற்கு எழுபத்தியிரண்டு
முறை துடிக்க வேண்டுமென்று
என்றேன் !
காதலை ரசிப்பது
மீனாள்
meenakshisundaramp@gmail.com
Thursday, March 27, 2008
அனுப்புநர்களே ...
Saturday, March 22, 2008
எஜமானி !
என் மனதிற்கு
நீதான் எஜமானியோ ?
உன் பின்னாலேயே
செல்கிறது
நாய்க்குட்டியாய் !
Saturday, March 15, 2008
எங்கே என் நினைவு ?
நீ
நகம் வெட்டியதில்லை
வெட்டாத
ஆசை நகத்தின்
அழுக்கெடுத்ததில்லை
கொய்யா காய்
நறுக்கியதில்லை
சாத்துக்குடியின்
சேலை உரித்ததில்லை
குளிர்பானம்
திறந்ததில்லை
குதிகால் முள்
பிடுங்கியதில்லை
எந்த வேலையையுமே
உனக்குக் கொடுக்காமல்
எடுத்து எடுத்துப்
பார்த்துவிட்டு
அலமாரியை
அலங்கரிக்க மட்டுமே - நான்
அமரவைத்த
நகவெட்டியே . . .
மாயமாய்
மறைந்து போனது
எங்கே?
எப்போதும் விழித்திருக்கும்
என் வீட்டு
எறும்புகளே . . .
இருக்கும்
இடம் தெரிந்தால்
கொஞ்சம் சொல்லுங்களேன் !
என்னவளின்
நகத்தை மட்டுமே
சுவைத்த நாக்கு அது
அவளுக்குத் தெரியாமல்
நான்
எடுத்துவந்த
நினைவு அது !
