நீ கறிவேப்பிலை மாதிரி?

உணவு உண்ணும்போது, கறிவேப்பிலையை பார்த்தவுடன், ஏதோ கரப்பான்பூச்சியைப் பார்த்ததுபோல் நாம் தூக்கி எறிகிறோம். கறிவேப்பிலையின் நன்மைகளை அறியாததால்தான் நாம் இவ்வாறு செய்கிறோம்.

கறிவேப்பிலையில் புரதம், இரும்புச்சது, சுண்ணாம்புச்சத்து, பாஸ்பரஸ், கொழுப்பு, கார்போஹைட்ரேட், வைட்டமின் ஏ, சி போன்ற சத்துக்கள் உள்ளன. இந்த சத்துக்களால் கண் பார்வைக் கோளாறுகள், சோகை நோய்கள் குணமடைகின்றன.

மலச்சிக்கலைப் போக்குதல், ஜீரண சக்தியை அதிகரித்தல், பேதியைக் கட்டுப்படுத்துதல், பித்தத்தை மாற்றி வாந்தியைத் தடுத்து வயிற்று இரைச்சலைப் போக்குதல் போன்ற குணநலன்கள் கறிவேப்பிலைக்கு உண்டு.

தலைமுடி வளரவும், கண்களுக்கு ஒளிதரவும் கறிவேப்பிலையில் உள்ள ஊட்டச் சத்துக்கள் உதவும்.

முகத்தில் அம்மை வடு இருப்பின், ஒரு பிடி கறிவேப்பிலை, கசகசா ஒரு கரண்டி, கஸ்தூரி மஞ்சள் ஒரு துண்டு இவற்றை அம்மியில் வைத்து அரைத்து, முகத்தில் தடவுங்கள். பின் அரை மணி நேரம் கழித்து முகம் கழுவவும். இவ்வாறு இரு வாரங்களுக்கு மேலாக செய்துவந்தால் தழும்புகள் அடியோடு மறைந்துவிடும்.

கறிவேப்பிலையை வறுத்து மிளகு, சீரகம், சுக்கு இவற்றைப் பொடி செய்து, உப்பு சேர்த்து சோற்றுடன் பிசைந்து சாப்பிட, பசி எடுக்காமல், வயிறு மந்தமாக இருப்பின் குணமாகும்.

"அவனுக்கு நீ கறிவேப்பிலை மாதிரிதான்; பார்த்து கவனமாக அவனிடம் இரு" என்று பலர் சொல்வதுண்டு. இனியும் யாராவது இப்படி சொல்வார்கள்?

- தமிழ் மருத்துவம் நூலிலிருந்து

உடல் இளைக்கவும், பருக்கவும் தண்ணீரே காரணம்

நீரை நாம் எல்லோரும் தினமும் பருகுகின்றோம். ஆனால்  நீரை எப்படி, எப்போது, எந்த அளவுக்குக் குடிக்க வேண்டும் என்பதில் நாம் தெளிவாக இருக்கிறோமா என்றால் இல்லை. சாதாரணமாக நீரை நான்கு வகையாகப் பயன்படுத்தலாம்.

 

1. காய்ச்சாத குளிர்ந்த நீர்

2. கொதிக்க வைத்து ஆறிய நீர்

3. வெந்நீர்

4. மருந்து / மூலிகைகளுடன் சேர்த்துக் காய்ச்சிய நீர்

இப்படி தேவைக்கேற்றபடி  நீரை ஆராய்ந்து அளவாகப் பருகினால் அது அமுதத்திற்கு ஒப்பாகும்.

 

கோடைக்காலம், இலையுதிர்க்காலம் தவிர மற்ற எல்லாக் காலங்களிலும் நீரைக் குறைவாகவே பருகவேண்டும். தேவைக்கு அதிகமாக நீரைப் பருகினால் உடலில் பித்தமும், கபமும் அதிகரிக்கும்.

 

வெந்நீர்

 

காய்ச்சலின்போது தாகத்துக்கு ஏற்றபடி வெந்நீர் பருகவேண்டும். கோரைக்கிழங்கு, பர்பாடகம், சுக்கு, வெட்டிவேர், விளாமிச்சைவேர், சந்தனம் இந்த ஆறு மூலிகைகளையும் சேர்த்துக் காய்ச்சிய நீரை சூடாகப் பருகுவது காய்ச்சலின் போது நன்மை பயக்கும்.

வெந்நீர் பசியை உண்டாக்கி, ஜீரண சக்தியை வளர்க்கும். உணவை ஜீரணிக்கச் செய்யும். தொண்டைக்கு நன்மை பயக்கும். சிறுநீர்ப்பையை தூய்மைப்படுத்தும்.

விக்கல், வயிற்று உப்புசம், வாதம், கபம், நாவறட்சி, இருமல், மூச்சுத்திணறல், ஜலதோஷம் இவற்றிற்கு வெந்நீரே சிறந்தது.

 

குளிர் நீர்

 

குளிர் நீர் பருகுவதால் குடிவெறி, உடல் களைப்பு, மயக்கம், வாந்தி, தலைச்சுற்றல், உடல் எரிச்சல், பித்தம் இவை நீங்கும்.

 

கொதிக்க வைத்து ஆறிய நீர்

 

கொதிக்க வைத்து ஆறிய நீர் எளிதில் செறிக்கும். களைப்பை நீக்கும். மூன்று தோஷங்களையும் போக்கும். ஆனால், கொதிக்க வைத்து ஆறி ஓர் இரவு தங்கிய நீர் வாதம், பித்தம், கபம் இந்த மூன்று தோஷங்களையும் வளர்க்கும்.

 

உணவு உட்கொள்ளும் வேளையில் மூன்று விதமாக நீரைப் பருகலாம்.

 

1. உணவு உட்கொள்வதற்கு முன்னால்

2. உணவு உட்கொள்ளும் போது

3. உணவு உட்கொண்ட பின்பு

 

இவ்வறு உட்கொள்ளும் நீரின் பயன்களும் ஒன்றுக்கொன்று வேறுபடும்.

 

உணவு உட்கொள்வதற்கு முன்னால்: உண்பதற்கு முன் பருகிய நீர் வயிற்றில் ஜீரண சக்தியைக் குறைக்கும். உடலை இளைக்கச் செய்யும்.

 

உணவு உட்கொள்ளும் போது: உணவுக்கு இடையே பருகும் நீரானது, உடலைப் பருக்கவோ, இளைக்கவோ செய்யாமல் சமநிலையில் வைக்கும். உடலில் தாதுக்களையும் சமநிலையில் வைத்துக்கொள்ளும். உணவை எளிதில் ஜீரணிக்க உதவும்.

 

உணவு உட்கொண்ட பின்பு: உண்ட பின்பு பருகும் நீரானது உடலிம் பருமனையும், கபத்தையும் ஏற்படுத்தும்.

 

- ஆயுள் வளர்க்கும் ஆயுர் வேதம் நூலிலிருந்து

உப்பின் மகத்துவம் தெரியுமா உங்களுக்கு?

சொட்டை மண்டையில் முடி முளைக்க:

 

உப்பை நன்றாக தூள் செய்து தினசரி 3 அல்லது 4 வேளை தேய்த்து வர மயிர் முளைக்கும்.

 

முள் குத்தின வலிக்கு:

 

உப்பு, மிளகு சரி எடை எடுத்து நல்லெண்ணெயில் வதக்கிக் கொண்டு ஒத்தடம் தந்தால் இதம் தெரியும்.

 

நகச்சுற்று மறைய:

 

உப்பு, வெங்காயம், சுடுசோறு இம்மூன்றையும் சம அளவு அரைத்து கட்ட நகச்சுற்று குணமாகும்.

 

காதில் எறும்பு அல்லது சிறுபூச்சி புகுந்துவிட்டால்:

 

கொஞ்சம் உப்பை நீரில் கரைத்து காதில் விட்டால் எந்த பூச்சியும் வெளியேறும்.

 

விஷக்கடிக்கு:

 

குளவி, சிலந்தி போன்ற விஷப்பூச்சிகள் கொட்டினால், கடித்தால் உப்பைக் கொஞ்சம் தண்ணீரில் போட்டு, கெட்டியாகக் கரைத்து, கடி வாயில் தடவினால் குணமாகும். சர்க்கரைத் தண்ணீரில் சில துளி உப்புத் தண்ணீர் விட்டு குடிப்பதும் நல்லது.

 

உப்பின் பிற பயன்கள்:

 

    * நெய்யில் ஒரு தேக்கரண்டி உப்பைப் போட்டு சுடவைத்தால் நெய் நீண்ட நாள் கெடாமல் இருக்கும்.

 

    * மண்ணெண்ணெயில் சிறிது உப்பு கலந்து விளக்கேற்றினால் மண்ணெண்ணெய் சீக்கிரம் தீராது.

 

    * அரிசியை நீண்ட நாட்கள் சேமித்து வைக்கும்போது சிறிது உப்புத் தூளையும் கலந்துவிட்டால் புழு, பூச்சி வராமல் பாதுகாப்பாக இருக்கும்.

 

    * துருப்பிடித்த சாமான்கள் மீது உப்பு தேய்ப்பின் துரு நீங்கி பளபளக்கும்.

   

    * வீட்டில் தரை கழுவும்போது, சிறிது உப்பையும் நீரில் கலந்து கழுவினால், காய்ந்த பிறகு தரையில் ஈக்கள் மொய்க்கும் தொல்லையிராது.

 

இதுமட்டுமல்ல .. உப்பிட்டவரை உள்ளளவும் நினைக்கனுமாம் !

 

- தமிழ் மருத்துவம் நூலிலிருந்து

 

   

இசை மருத்துவம் - இசை கேளுங்கள் ! இன்பமாய் வாழுங்கள் !

நரம்பு மண்டலத்தைச் சீர்படுத்துவதில் இசையின் மருத்துவகுணம் மகத்தானது. எல்லா உணர்வுகளையும் தூண்டவும் அதே நேரத்தில் அமுக்கவும் அதற்குரிய இசை உண்டு.

 

நரம்பு சம்பந்தமான கோளாறுகள், நரம்புத் தளர்ச்சி, சோகமான நிகழ்வால் ஏற்படும் அதிர்ச்சிகள்  இவற்றைப் போக்கடிக்க, இதற்கென உண்டான இசையைக் கேட்டாலே பலன் தெரியும்.

 

இசை மருத்துவச் சிகிச்சையென்பது, நோயாளியே இசைக்கருவியை இயக்குதல் அல்லது பாடுதலாகும். இது முடியாதவர்கள்தான் இசையைக் கேட்டு ரசித்து மகிழவேண்டும்.

 

அமெரிக்காவில் ஒரு பல் மருத்துவர், மயக்க மருந்தோ அல்லது வலிக்குறைப்பு மருந்தோ இல்லாமல், இசையை எழுப்பியே நூற்றுக்கணக்கான நோயாளிகளுக்கு சிகிச்சையளித்துள்ளார் என்று ஒரு செய்தி உள்ளது.

 

ஹிஸ்டீரியா என்ற நோயை நரம்புக் கருவிகளின் இன்னிசை விரட்டிவிடும் என்ற நம்பிக்கையும் உள்ளது.

 

ஒரு நபர் மட்டுமே மீட்டுகின்ற வயலின் இசையைக் கேட்டாலே, கொடிய தலைவலியும் ஓடோடிவிடுமாம்.

 

பாஸ்டனில் இசையைக் கொண்டு, சுகப்பிரசவம், இதய அறுவைச் சிகிச்சை போன்றவைகள் நடைபெறுவதாக படித்த ஞாபகம் உண்டு.

 

உடலுக்கும், மனதிற்கும் வருகின்ற எந்த நோயையும் குணப்படுத்தும் ஆற்றல் இசைக்கு உண்டு.

 

இசை கேளுங்கள் ! இன்பமாய் வாழுங்கள் !

 

- படித்ததும், பாட்டி சொன்னதும்

பால் அருந்துவோம்! எலும்புகளைக் காப்போம்!

 

பால் போன்ற அதிக சத்துள்ள ஒரு பொருளை நாம் காண்பது அரிது. ஆனால் எலும்பு முறிவு ஏற்படும் சாத்தியங்களையும் பா‌லி‌ல் உள்ள சத்துகள் குறைக்கிறது என்று சமீபத்தில் வெளிவந்துள்ள ஆய்வு ஒன்று தெரிவிக்கும்போது நம்மால் ஆச்சரியப்படாமல் இருக்க முடியவில்லை. அமெரிக்கன் ஜர்னல் ஆஃப் கிளினிகல் நியூட்ரீஷன் என்ற பத்திரிக்கையில் சமீபமாக வெள்யிடப்பட்ட கட்டுரையில் இந்த தகவல் வெளியாகியுளது. அதாவது பாலில் உள்ள கால்சியம் சத்து எலும்பு முறிவை தடுக்கும் சக்தி கொண்டது என்று கூறுகிறது இந்த ஆய்வு. ஆரோக்கியமான ஒரு நபருக்கு நாளொன்றுக்கு 1,200 மில்லி கிராம் கால்சியம் சத்து தேவைப்படுகிறது. அதாவது 51 வயது தாண்டியவர்களுக்கு சிபாரிசு செய்யப்படும் கால்சியத்தின் அளவு இது என்பது குறிப்பிடத்தக்கது. இது 4 டம்ளர் பாலில் கிடைக்கிறது. தினமும் 4 டம்ளர் பால் அருந்தினால் எலும்பு முறிவு 70 விழுக்காடு தடுக்கப்படுகிறது என்று இந்த ஆய்வுக் கட்டுரையில் தெரிவிக்கப்பட்டுள்ளது. ஜூரிக் பல்கலைக் கழக மருத்துவமனை, டார்ட்மௌத் மருத்துவப் பள்ளி ஆகியவற்றின் ஆராய்ச்சியாளர்கள் இணைந்து 27 வயது முதல் 80 வயது வரை உள்ள நபர்களை 4 ஆண்டுகளாக ஆய்வு செய்து பால் பற்றிய இந்த அரிய உண்மையை கண்டுபிடித்துள்ளனர். இந்த 4 ஆண்டு கால ஆராய்ச்சியில் தினமும் நமக்கு நம் உடலுக்கு கிடைக்கும் கால்சியம் சத்தைக் காட்டிலும் அதிகமாக 1,200 மில்லி கிராம் கொடுக்கப்பட்டு வந்துள்ளது. இவர்களுக்கு எலும்பு முறிவு ஏற்படுவதற்கான சாத்தியக் கூறுகள் பெருமளவு குறைந்துள்ளதை ஆய்வாளர்கள் நிரூபித்துள்ளனர். அதாவது நாம் சாதாரணமாக நிற்கும்போது, நடக்கும்போது, அல்லது ஓடும்போது ஏற்படுகிற எலும்பு முறிவு சாத்தியங்கள் முதல், சிறு விபத்தினால் ஏற்படும் எலும்பு முறிவு சாத்தியங்களையும் , நாளொன்றுக்கு 4 டம்ளர் பால் அல்லது 1,200 மிலி கிராம் கால்சியம் தடுத்து நிறுத்துகிறது. நமது எலும்புகள் 35 வயது வரை பலமாகவும், உறுதியாகவும் வளரும் தன்மை கொண்டது. ஆனால் இதன் பிறகுதான் எலும்புத் தேய்மானம் ஏற்படுவதிலிருந்து நம்மை தற்காத்துக் கொள்ள வேண்டிய தேவை இருக்கிறது. இதனை நாம் பால் அருந்தி தடுக்கவிலையெனில் ஆஸ்டியோபொரோசிஸ் என்ற தீவிர எலும்புத் தேய்மான நோயில் கொண்டு தள்ளி விடும். எனவே கொழுப்புச் சத்தில்லாத பாலை தினமும் அருந்தி எலும்பு ஆயுளை நீட்டிப்போம். மேலும் பாலில் உள்ள வைட்டமின் டி சத்து உடலுக்கு தேவையான கால்சியம் சத்தை நம் உணவுப் பொருளிலிருந்து எடுத்துக் கொள்ளும் செயலை திறம்படச் செய்கிறது.

மாதுளையின் மகத்துவம்

மாதுளையில் இனிப்பு, புளிப்பு, துவர்ப்பு ஆகிய மூன்று ரகங்கள் உள்ளன. இனிப்பு மாதுளம் பழத்தைச் சாப்பிட்டால் இதயத்திற்கும், மூளைக்கும் மிகுதியான சக்தி கிடைக்கிறது. பித்தத்தைப் போக்குகிறது இருமலை நிறுத்துகிறது.

புளிப்பு மாதுளையைப் பயன்படுத் தினால் வயிற்றுக் கடுப்பு நீங்குகிறது. ரத்த பேதிக்குச் சிறந்த மருந்தாகிறது. தடைபட்ட சிறுநீரை வெளியேற்று கிறது. பித்தநோய்களை நிவர்த்தி செய்கிறது. குடற்புண்களை ஆற்றுகிறது. எந்த வகையான குடல் புண்ணையும் குணமாக்குகிறது. மாதுளம் விதைகளைச் சாப்பிட்டால் இரத்தவிருத்தி ஏற்படும். சீதபேதிக்குச் சிறந்த நிவாரணம் அளிக்கும்.

தொடர்ந்து நோயின் பாதிப்பால் பலகீனம் அடைந்தவர்கள் மாதுளம் பழத்தைச் சாப்பிட்டால் உடல் தேறும், உடல் எடை கூடும். தொண்டை, மார்பு, நுரையீரல், குடலுக்கு அதிகமான வலிமையை உண்டாக்குகிறது. ஆண் தன்மையில் பலகீனம் உள்ளவர்கள் மாதுளம்பழம் சாப்பிடுவதால் மிகுந்த சக்தியை அடைய முடிகிறது.

மாதுளம்பழத்தைச் சாப்பிட்டால் விக்கல் உடனே நிற்கும், அதிக தாகத்தைப் போக்கும். மாதுளம் பழச்சாற்றில் கற்கண்டு சேர்த்து சாப்பிட்டால் உடல் சூட்டு நோய்கள் நீங்கும். சரீரம் குளிர்ச்சியடையும். காய்ச்சல் தணியும். மாதுளம் பழச்சாற்றில் தேன் கலந்து காலை ஆகாரத்துக்குப் பின் தினமும் சாப்பிட்டால், ஒரு மாத உபயோகத்தில் உடல் ஆரோக்கியமும் தெம்பும் உண்டாகும். புதிய ரத்தம் உற்பத்தியாகிவிடும். மாதுளம் பூக்களை உலர்த்திப் பொடித்து வைத்துக் கொண்டு வேளைக்கு ஒரு சிட்டிகை வீதம் சாப்பிட்டால், இருமல் நிற்கும்.

மாதுளம் பூச்சாறு, அருகம்புல் சாறு சமமாகச் சேர்த்து வேளைக்கு 30 மில்லி வீதம் தினசரி மூன்று வேளையாக மூன்று தினங்களுக்குக் கொடுத்தால் பெண்களுக்கு ஏற்படும் உதிரப்போக்கு நிவர்த்தியாகும். மாதுளம் பூச்சாற்றை 15 மில்லியளவு சேகரித்து சிறிது கற்கண்டு சேர்த்து தொடர்ந்து சாப்பிட்டு வந்தால், இரத்த மூலம் நீங்கும். மூலக் கடுப்பும், உடல் சூடும் தணியும். வாந்தி, மயக்கத்திற்குக் கொடுத்தால் நோய் தீரும்.

மாதுளம் பூக்கள் 15 கிராம் எடுத்து 25 கிராம் சீனி சேர்த்து மசிய அரைத்து காலை, மாலை ஒரு தேக்கரண்டி வீதம் சாப்பிட்டு வந்தால், தொல்லைப்படுத்தும் பெண்களின் வெள்ளைப்பாடு நிவர்த்தியாகும். மாதுளம் பூக்களைத் தலையில் வைத்துக் கொண்டால் தலைவலி, வெப்பநோய் தீரும்.

- படித்ததும், பாட்டி சொன்னதும்

நெல்மணியால் ஈறில் கீறினால் பல் முளைக்குமா?

''என் பையனுக்கு இரண்டு வயது ஆகப் போகிறது. இன்னும் ஒரு பல் கூட முளைக்க-வில்லை. ஆனால், என் மூத்த பெண்ணுக்கு எட்டு மாதம் ஆனபோதே பல் முளைக்க ஆரம்பித்து விட்டது. என் உறவினர்களோ, 'நெல்மணியால் ஈறில் கீறினால் பல் முளைக்கும்' என்கின்றனர். அப்படிச் செய்ய எனக்கு மனம் வரவில்லை. என் மகனுக்கு ஏன் பற்கள் முளைக்க-வில்லை? பற்கள் வளர என்ன செய்ய வேண்டும்?''

டாக்டர் கதிரேசன், பல் மருத்துவர், சென்னை:

''பொதுவாக குழந்தைகளுக்கு எட்டு மாதத்தில் பற்கள் முளைக்க ஆரம்பிக்கும். உங்கள் குழந்தைக்கு தற்போது இரண்டு வயது ஆவதால் குறைந்தது எட்டுப் பற்களாவது முளைத்திருக்க வேண்டும். ஆனால், லட்சத்தில் ஒரு குழந்தைக்கு இப் படி பால் பற்கள் முளைக்காமல் போகும். இவர்களுக்கு ஆறு வயதுக்குப்பின், நிரந்தர பற்கள் முளைக்க ஆரம்பிக்கும். மிக அரிதாக சிலருக்கு பால் பற்கள், நிரந்த பற்கள் இரண்டுமே முளைக்காது.

இத்தனை நாட்கள் ஆகியும் உங்கள் குழந்தைக்கு பற்கள் முளைக்காதது கவனிக்க வேண்டிய விஷயம். முதலில் உங்கள் குழந்தையின் ஈறுகளில் பற்கள் இருக்கிறதா என்று எக்ஸ்ரே எடுத்துப் பார்க்க வேண்டும். காரணம் சிலருக்கு பால் பற்கள் இருந்தும் கூட ஈறுகள் தடிப்பாக இருந்தால், பற்கள் முளைக்காமல் போக வாய்ப்புண்டு. எக்ஸ்ரேயில் பற்கள் இருப்பது தெரிய வந்தால், பல் மருத்துவரை அணுகி பற்கள் முளைப்பதற்கான சிகிச்சையை மேற்கொள்ளுங்கள்.

அதற்காக ஈறுகளில் நெல்லால் கீறி விடுவது போன்ற செயல்கள் கண்டிப்பாக வேண்டாம். ஈறுகளின் உள்ளே இருக்கும் பற்கள், இதனால் சிதைவுறும் ஆபத்து இருக்கிறது.

ஒருவேளை, ஈறுகளுக்குள் பற்கள் இல்லை எனில் நிரந்தர பற்கள் வளரும் வரை, செயற்கை பற்கள் பொருத்துவது அவசியம். ஏனெனில், ஆறு வயது வரை பற்கள் இல்லாவிடில் குழந்தையின் பேசும் திறனிலும் ஜீரணத் தன்மையிலும் பிரச்னைகள் ஏற்பட வாய்ப்பு உள்ளது. எனவே, உடனடியாக பல் மருத்துவரை அணுகி, சிகிச்சை மேற்கொள்ளுங்கள்.''

 

 

தொப்புளை எப்படி சுத்தம் செய்வது?

தாய்க்கும் சேய்க்குமான உறவு மட்டுமல்ல.. உணவுப் பாலமும் தொப்புள்கொடிதான். பிறந்த குழந்தையின் தொப்புள்கொடி ரத்தத்தில் இருந்து எடுக்கப்படும் ஸ்டெம் செல் மூலமாக எத்தகைய நோய்களை குணப்படுத்த முடியும் என்று மருத்துவ உலகில் ஆராய்ச்சிகள் நடந்து வருகின்றன. இத்தனை முக்கியத்துவம் வாய்ந்த தொப்புளை எப்படி சுத்தமாக வைத்திருக்க வேண்டும் என்பது பற்றிச் சொல்கிறார் சென்னையைச் சேர்ந்த தோல் மருத்துவ நிபுணர் டாக்டர் செந்தமிழ் செல்வி..

''பொதுவாக தங்கள் உடலின் மீது அதிக அக்கறை எடுத்துக் கொள்ளும் நபர்கள் கூட கவனிக்காமல் விட்டு விடும் பகுதி தொப்புள். குளிக்கும்போது உடலை நன்றாக தேய்த்து சுத்தப் படுத்தினால் கூட தொப்புள் பகுதி சுத்தமாவதில்லை. அது சருமத்தின் மட்டத்தில் இருந்து சற்றுக் குழிவடைந்து இருப்பதே இதற்குக் காரணம்.

இதனால், தொப்புளுக்குள் அதிக அழுக்கு சேர்ந்து விடுவதும், அதில் பாக்டீரியா தொற்று ஏற்பட்டு துர்நாற்றம் வீசுவதும், அரிப்பு ஏற்படுவதும் பரவலாக பலரும் சந்திக்கும் பிரச்னைகள்.

இதை அப்படியே கவனிக்காமல் விட்டுவிட்டால் தொப்புளுக்குள் சிறு சிறு கட்டிகள் ஏற்பட்டு அது புண்ணாகி விடவும் வாய்ப்புள்ளது. சிலர் தொப்புளுக்குள் சேர்ந்த அழுக்கை சுத்தம் செய்கிறேன் என்று நகத்தால் சுரண்டுவார்கள். அப்படி சுரண்டும்போது சின்ன கீறல் விழுந்தால்கூட அதில் பாக்டீரியா தொற்று ஏற்பட்டு சீழ் கட்டிவிடும் வாய்ப்புகள் அதிகம்.

பொதுவாக தொப்புள் பகுதியில் புண் ஏற்பட்டால் அது ஆறுவதற்கு வெகுநாட்கள் ஆகும். காரணம், புண் ஏற்பட்ட பிறகு தொப்புளை சுத்தம் செய்வதும் அந்த இடத்தில் வியர்வை படாமல் பாதுகாப்பதும் மிக மிகக் கடினம்.

பெரியவர்களை விட குழந்தைகள்தான் இந்தப் பிரச்னையால் அதிகம் பாதிக்கப்-படுகிறார்கள். தொப்புள் என்ற பகுதியின் முக்கியத்துவமும் அதை சுத்தம் செய்யும் முறையும் தெரியாததுதான் இதற்குக் காரணம். சின்ன வயதில் இருந்தே தினமும் தொப்புளை சுத்தம் செய்யச் சொல்லி குழந்தைகளைப் பழக்குவதே இதற்கான தீர்வு.

சரி.. தொப்புளை எப்படி சுத்தம் செய்வது?

தினமும் குளிக்கும்போதே நகம் இல்லாத விரலால் தொப்புளுக்குள் கொஞ்சம் சோப்பு போட்டு மென்மையாக சுத்தம் செய்யலாம்.

பல நாட்கள் கவனிக்காமல் விட்டதால் தொப்புளில் அதிக அழுக்குகள் சேர்ந்து விட்டதை உணர்கிறீர்களா? தலைக்குப் போடுகிற ஷாம்புவை தண்ணீரில் கரைத்து தொப்புளில் ஊற்றி சிறிது நேரம் ஊற வைத்து பஞ்சால் துடைத்து விட்டால் அழுக்குகள் இருந்த இடம் தெரியாமல் போய்விடும்."

அவரை மருத்துவம்

கொடிகளில் சிறந்த அவரை, மலிவான விலையில் நிறைய ஊட்டச்சத்தினை தருவதாகும்.

 

புரதம், சுண்ணாம்புச் சத்து, இரும்பு மற்றும் விட்டமின்கள் இருக்கும் அவரையில், முற்றிய காயைவிட பிஞ்சுக்களே சிறந்தது.

 

இது மிக எளிதில் செரிமானம் ஆகக்கூடியதால், பலவீனமான குடல் உடையவர்களும் உண்ணலாம். இரவு நேரத்திலும் மற்றும் பத்திய உணவிற்கும் அவரை ஏற்றது.

 

வெண்ணிற அவரைக்காய் வாயு, பித்தம் இவற்றைக் கண்டிப்பதோடு, உள்ளுறுப்புகளின் அலர்ச்சியையும் போக்கும்; எரிச்சலையும் குறைக்கும்.

 

அவரையை அடிக்கடி உணவில் சேர்த்தால், சீதபேதி, நீரிழிவு, ஜீரணக்கோளாறு, பேதித்தொல்லை போன்ற நோய்கள் காணாமல்போக வாய்ப்புள்ளதாக தமிழ் மருத்துவம் சொல்கிறது.

 

காது வலிக்கும், தொண்டை வலிக்கும் அவரையின் சாற்றை அஸ்ஸாமில் பயன்படுத்துவதாக செய்திகள் உள்ளன.

 

இரத்தக்கொதிப்பைத் தடுக்கும் ஆற்றல் இதற்க்குண்டு என்பது அண்மைய கண்டுபிடிப்பு.

 

- படித்ததும், பாட்டி சொன்னதும்

கீரைகளின் குணங்கள்

கீரைகளின் குணங்கள்

முருங்கைக்கீரை 

இது ஒரு சத்து நிறைந்த கீரை, ஆண்மையை அதிகரிப்பது, குருதியை தூய்மைப்படுத்தும் இரும்புச் சத்துக் கொண்டது, உடல் வெப்பத்தை தணிப்பது, மலச்சிக்கலை போக்குவது. மாதவிடாய் தறுவாயில் வலியிருந்தால் முருங்கை கீரை சாற்றில் உப்பு போட்டு அருந்தினால் வலி மறையும். வயிற்றுப்புண் ஏற்படாமல் தடுக்கும். பிற மருந்துகளின் பக்க விளைவுகளை அகற்ற இதன் சாறு உதவும். தொடர்ந்து சாப்பிட்டு வந்தால் இருதய நோய்களின் தாக்குத லிருந்து தப்பிக்கலாம். சிறுநீரைப் பெருக்குவதால் உயர் ரத்த அழுத்த நோய் உள்ளவர்கள் பக்க விளைவுகள் ஏற்படுத்தும் மாத்திரைகளை நிதமும் எடுத்துக் கொள்வதிலிருந்து தப்பிக்கலாம். கருவுற்றோர் வாரம் ஒரு முறை சாப்பிட்டால் நீர் இறங்கும். கை பாத வீக்கத்தை தடுக்கும். சோகையை போக்கும்.

பசலைக்கீரை 

குளிர்ச்சி தருவதில் சிறந்தது, நீர் உடலினர் அடிக்கடி சாப்பிடக் கூடாது. நீரைப் பெருக்கும். பால் சுரக்கும். வயிற்று புண்ணாற்றும், கண்ணொளி தரும்.

சிறுகீரை 

உடல் தளர்ச்சியை போக்கி ஊக்கமூட்டுவது, மலச்சிக்கலைப் போக்குவது, குடலின் பலத்தை அதிகரிப்பது, உடல் பித்தத்தை குறைப்பது.

வெந்தயக்கீரை 

முருங்கை போலவே இரும்புச் சத்துடையது. உடலுக்கு ஊக்கத்தை அளிப்பது, வயிற்றுப் புண்ணை ஆற்றுவதில் சிறந்தது, கண்ணிற்கு மிகவும் நல்லது, பேதி சமயத்தில் சப்பிட்டால் பேதியை கட்டுபடுத்தவல்லது.

அரைக்கீரை 

நீலிக்கு அடுத்து விஷங்களை முறிக்கும் ஆற்றல் அரைக்கீரைக்கு உண்டு. ஆங்கில மருந்துகளின் வேகத்தைப் பக்க விளைவுகளை முறியடிக்கும், தேமல், சொறி சிரங்கு உள்ளவர்கள் இந்தக்கீரையை தினசரி உணவுப்பழக்கத்தில் சேர்த்துக் கொண்டால் குணமாகிவிடும்.

அகத்திக் கீரை 

வெப்பத்தை தணிக்கும், உள் சூட்டை அகற்றுவதால் இதற்கு அகத்தி என்ற பெயர் ஏற்பட்டது, அனைத்து வகையான சத்துகளையும் உடையது இந்த கீரைதான், குடல், குருதியை தூய்மைப் படுத்தும். குடற்புழுவை கொல்லும், பித்தத்தை தணிக்கும். தலைச்சுற்று, மயக்கம் ஆகியவற்றைப் போக்கும், உடலில் எந்த வகையில் விஷம் சேர்ந்திருந்தாலும் அதை முறிக்கும் தன்மை இதற்குண்டு, ஆனால் இதை அடிக்கடி சாப்பிட்டால் பேதி ஏற்படும்.

மணத்தக்காளி கீரை 

குடல் புண்ணை ஆற்றுவதில் முதன்மையானது, குடலுக்கு பலமளிப்பது, பெண்மையை வளர்ப்பது, மங்கையருக்கு மார்பை வளரச்செய்வது, கருப்பை குறைப்பட்டையை நீக்குவது, குடற்புழுவை அகற்றுவது.

பாலக்கீரை 

உடலுக்கு வலுவூட்டுவது, மலச்சிக்கலைப் போக்கும். குளிர்ச்சியைத் தரும். குடல் நோய்களுக்கு நல்லது.

குமட்டிக் கீரை 

இது தாமிரச் சத்துடையது. குருதியை தூய்மைப்படுத்துவது மலத்தை இளக்கும் தன்மை உடையது, கருவுற்ற மகளிருக்கு இது நல்லது, உடல் நீரை அதிகரிக்கவல்லது.

தொய்யல் கீரை 

தொய்ந்து போன நாடி நரம்புகளை வலுவாக்கும், உடலுக்கு ஊக்கமூட்டுவது, குளிர்ச்சியானது, செரிப்பாற்றலை மிகுவிக்கும், மலச்சிக்கலை போக்கும், வாத நோயாளிக்கு ஏற்றது, பேறு காலத்திற்கு பின்பு மகளிர் சாப்பிட ஏற்றது. உடலைத் தேற்றும்.

புளிச்சக் கீரை  

உடலுக்கும் குடலுக்கும் வளமூட்டும். வயிற்றுப் புண்ணை ஆற்றும். வயிற்றுக் கடுப்பு உள்ளவர்கள் இக்கீரையை வெங்காயம், வெந்தயம் போட்டு மூன்று வேளை சாப்பிட்டு வந்தால் உடனே நிவாரணம் தெரியும். குடல் பலவீனத்தால் ஏற்படும் பேதி நிற்கும், குருதிப் போக்கை குறைக்கும்.

இஞ்சி மருத்துவம்

தாய்மார்கள் கவனிக்க...

உடல் நிலை பாதிக்கப்பட்ட பெண்கள் அல்லது மிகவும் பலவீனமான பெண்களுக்கு குழந்தை பிறந்ததும் அவர்களுக்கு பால் சுரக்கும் தன்மை குறைய வாய்ப்புண்டு.

இது போன்ற பெண்களுக்கு தாய்ப்பால் சுரப்பதற்கான டிப்ஸ்:
அரிசி மற்றும் வெந்தயத்தை சம அளவில் எடுத்துக்கொள்ளவும். இவற்றை விழுதுபோல் நன்றாக அரைத்து கொள்ளவும். இதை இளம் சூடான கஞ்சியில் கலந்து குடிக்கவும்.

இதுபோன்று தினமும் இருவேளை தாய்மார்கள் குடித்து வந்தால், அவர்களுக்கு பால் சுரப்பு அதிகமாகும்.

தாய்மார்கள் பால் சுரப்பதை நிறுத்தவேண்டுமா?

மல்லிகை மருத்துவம்

தாய்மார்கள் பால் சுரப்பதை நிறுத்த முடியாமல், ஒரு குறிப்பிட்ட வயது கடந்தும், கைக்குழந்தைக்கு பால் கொடுப்பார்கள். இதுபோன்ற பிரச்சனையுடையவர்கள், மல்லிகைப் பூக்களை மார்பகங்களில் குறைந்தது 3 நாட்கள் கட்டிக்கொண்டு வந்தால், பால் சுரப்பு நின்றுவிடும் என்று சொல்லுவார்கள்.

மனதை மயக்கும் நறுமணம் மட்டுமல்ல; பல மருத்துவ குணங்களும் கொண்டதுதான் மல்லிகை.

சில மல்லிகைப் பூக்களைக் கசக்கி, இரண்டு சொட்டுகள் கண்ணில் விட்டு வந்தால், கண் பூக்களே மாறத்தொடங்குமாம்.

உடம்பில் எதேனும் கட்டிகள் வந்தால், மல்லிகைப் பூவை அரைத்து பற்றுப் போடுங்கள். கட்டி கரைந்து விடுமாம்.

பொதுவாக பெண்களூக்கு அடிக்கடி தலைவலி வருவதுண்டு. மல்லிகையை தலையில் சூடிக்கொள்ளூம் பழக்கத்தை வழக்கமாக்கிக் கொண்டால், தலைவலி வரும் வாய்ப்பு மிகக் குறைவு. தலையணையடியில் மல்லிகையைப் பரப்பி படுத்தாலும், தலைவலி குணமாகும்.

மல்லிகையைக் கொண்டு எடுக்கப்படும் தைலத்தைத் தலையில் தேய்த்துக் குளித்தால், உடம்பின் உஷ்ணம் குறைந்து குளிர்ச்சியடையும்.

மல்லிகைப்பூ எண்ணையைத் தொடர்ந்து தேய்த்துவரின், கண் எரிச்சல் நீங்குமாம்.

- படித்ததும், பாட்டி சொன்னதும்

அன்னாசி மருத்துவம்

நாம் தினமும் பயன்படுத்தும் புளியின் வெப்ப அளவு 80 காலரிக்கும் மேலாக இருக்கும்போது, அதைவிடக் குறைவாக வெறும் 14 காலரி வெப்ப அளவே இருக்கும் அன்னாசிப் பழத்தை நாம் அதிக சூடு என்று சொல்வது வேடிக்கைதான் என்கிறது தமிழ் மருத்துவம். அன்னாசிப் பழத்தைப் போன்ற வெப்ப அளவு இருப்பதுதான் மாம்பழம் மற்றும் ஆரஞ்சு ஆகும்.

 

ஒருபக்கத் தலைவலி, இரு பக்கத் தலைவலி, கண், காது, பல் நோய்கள், தொண்டை சம்பந்தமான நோய்கள், வாய்ப்புண், ஞாபகசக்தி போண்ற நோய்கள்

தேனும், அன்னாசிப்பழமும் சேர்த்துச் செய்யப்படும் பானத்தை தொடர்ந்து 40 நாட்கள் சாப்பிடின் குணமாகும்.

 

மஞ்சட் காமாலையை அன்னாசிச் சாறு குணப்படுத்தும்.

 

பெண்களுக்கு ஏற்படும் வெள்ளை நோய் குணமாக அன்னாசி உதவுமாம்.

 

இரத்தமிழந்து பலவீனமாக இருப்பவர்களுக்கு, அன்னாசிச் சாறு நல்ல மருந்து.

 

பசி எடுக்காமை, வாந்தி மயக்கம், பித்தம் போன்றவைகளை அன்னாசி நீக்குவதில் வல்லது.

 

உங்கள் தேகம் பளபளக்க அன்னாசியை சாப்பிடும் பழக்கத்தை எற்படுத்துங்கள்.

 

தாகத்தைத் தீர்ப்பதால் கோடைக்கு ஏற்ற சாறு அன்னாசிச் சாறாகும்.

 

- படித்ததும், பாட்டி சொன்னதும

குண்டு உடல் இளைக்கவேண்டுமா?

எள் மருத்துவம்

 

 

உடல் இளைக்க அல்லது பருக்க:

 

காலை எழுந்தவுடன், சுமார் 20 கிராம் கறுப்பு எள்ளை வெறும் வாயில் மென்று தின்று விட்டு, சுமார் 3 மணிநேரம் எதுவும் சாப்பிடாமல் இருந்தால், உடல் பருமனாக இருப்பவர்கள் இளைத்துவிடுவார்கள். மெலிதாக இருப்பவர்கள் சதை போடுவார்கள்.

 

படுக்கையில் சிறுநீர்:

 

உங்கள் குழந்தைகள், படுக்கையில் சிறுநீர் கழிக்கும் பழக்கம் உள்ளவர்களாக இருந்தால், இரவில் வெண்முள்ளங்கியுடன் எள் சேர்த்துக் கொடுக்கவும். இப்பழக்கம் நாளடைவில் மறையும்.

 

மூலநோய் உடையவர்கள்:

 

மூலநோய் உடையவர்கள் சிறிது எள்ளுடன், கொஞ்சம் ஆட்டுப்பால் மற்றும் சர்க்கரை சேர்த்துக் கரைத்துக் குடித்து வந்தால் குணமடையும்.

 

இரத்தக்காயம்:

 

இரத்தக்காயம் ஏற்பட்ட இடத்தில் அரைத்த எள்ளுடன் தேனையும் நெய்யையும் கலந்து தடவ பலன்தரும்.

 

பல் வலுப்பெற:

 

தினசரி காலை ஒருபிடி எள் சாப்பிட்டால், பற்களின் வீழ்ச்சி தடுக்கப்படுவதோடு மட்டுமல்லாது, பற்கள் பலமும் பெறும்.

 

தொழுநோய் குணமாக:

 

எள், உப்பு, மிளகாய் இவற்றை வகைக்கு 5 கிராம் எடுத்து, லேசாக வறுத்து, இடித்து சலித்தெடுத்து வைத்துக்கொண்டு,தினமும் காலை, மாலை இரண்டு சிட்டிகை அளவை அரை தேக்கரண்டி பசு நெய்யில் கலந்து 21 நாள்கள் உண்டால் குணமாகும்.

 

நீரிழிவு நோய்:

 

எள்ளை 3 மணிநேரம் ஊறவைத்தால், மேலிருக்கும் கறுமை நிற தோல் நீங்கி வெள்ளை நிறத்தில் வரும். இதை நன்கு காயவைத்து, வானலியில் வறுத்து, பின் பனை வெல்லத்தைப் பாகு செய்து அதில் போட்டுக்கிளறி, எலுமிச்சையளவு தினமும் காலை உண்டு, வெந்நீர் பருகினால் நீரிழிவு நோய் குறையும்.

 

- படித்ததும், பாட்டி சொன்னதும்

தமிழ் மருத்துவம் - ஆப்பிள்

ஆப்பிள் மருத்துவம்

குருதிக்கு செந்நிறம் தருகின்ற ஹீமோகுளோபின் ஆப்பிளில் அதிகமாகவே உள்ளது.

இரத்தத்தை சுத்தி செய்யும் சக்தியும், இரத்தப் போக்கை நிறுத்தும் ஆற்றலும் ஆப்பிளுக்கு உண்டு. இதுமட்டுமல்லாது, ஆப்பிளை அனுதினமும் உண்பவர்களின் மேனி மினுமினுப்பைப் பெறும்.

கல்லீரலை சுறுசுறுப்பாக்கும் சக்தியும், குடலிலுள்ள கிருமிகளை அழிக்கும் சக்தியும் இதற்குண்டு.

தினமும் ஆப்பிளை மென்று தின்றால், பற்களும் ஈறுகளும் வலுப்பெறுவதோடு, வலியும் வராமல் தடுக்கும்.

ஆப்பிள் நல்ல மலமிளக்கியாதலால், குழந்தைகளுக்கும் கொடுக்கலாம். பேதியாகும் குழந்தைகளுக்கு வேகவைத்து பிசைந்து கொடுக்கலாம்.

ஆப்பிளில் பாஸ்பரஸ் சத்து இருப்பதால், மூளைக்கோளாறு உள்ளவர்கள் உண்ண, மூளை தெளிவு பெறும்.

தூக்கத்தில் நடத்தல், தூக்கம் வராமை, தூக்கத்தில் புலம்பல், நரம்புத் தளர்ச்சி போன்ற நோய்கள், தினம் காலை மாலை இருவேளை சாறுபிழிந்து அருந்த குணமாகும்.

மன உளைச்சலால் வருந்துவோர், ஆப்பிள் சாறு பருகிடின் களைப்பு நீங்கி புதுத்தென்போடு இருப்பதோடு, இதயமும், நரம்பு மண்டலமும் ஆற்றல் பெறும்.

- படித்ததும், பாட்டி சொன்னதும்